အလင်းနယ်: လင်္ကာကျွန်းမှ မြင့်မိုရ်တောင်

သက်တန်းရှည်ကြာပြီဖြစ်တဲ့ လင်္ကာကျွန်းလေးဟာ တောတောင်ထူထပ်ပြီး သဘာဝရှုခင်းတွေ ပေါများတဲ့ နေချင်စဖွယ် ကျွန်းနိုင်ငံလေး တစ်ခု ပါ။ နှစ်ပေါင်းနှစ်ထောင်ကျော်က ကျောင်းတော်ရာများ၊ ဗုဒ္ဓဘာသာဝင်တို့ အလေးအမြတ်ထား ရာဖြစ်သော စေတီရုပ်ပွားဆင်းတုတော်များ၊ ဘီစီသုံးရာစုက စိုက်ပျိုးခဲ့သည့် မဟာဗောဓိပင်တို့တည်ရှိရာ ကျွန်းလေးတစ်ကျွန်းဖြစ်ပါသည်။ ယခု လင်္ကာကျွန်း၏ အလှတစ်ခုဖြစ်သော “ စရီပါဒ ( စေတီပါဒ ) ” တောင်တန်းကြီးရဲ့ အလှကို ဦးဆုံး ခံစားကြည့်ကြပါစို့။

မြို့တော်ကိုလံဘိုမှ စရီပါဒ ( စေတီပါဒ ) တောင်သို့ အတိုဆုံး အလွယ်ဆုံးလမ်းမှသွားလျှင် ကီလိုမီတာ ( ၁၅၀ ) သာဝေးပါသည်။ ဒါမှမဟုတ် မြန်မာနိုင်ငံရှိ ပြင်ဦးလွင်နှင့် ရာသီဥတု၊ သမိုင်းနောက်ခံတူသော နုဝရေလိယ ( Nuware Eliya ) မြို့မှ တဆင့်သွားမည်ဆိုလျှင် ကီလိုမီတာ ( ၁၈၀ ) ဝေးပါသည်။ စရီပါဒ ( စေတီပါဒ ) တောင်တန်းကြီးအကြောင်း မတင်ပြသေးမီ နုဝရေလိယမြို့အကြောင်း ခဏဆက်လိုက်ပါဦးမည်။ ထို နုဝရေလိယမြို့ဆိုသည်မှာ ကိုလိုနီခေတ်က အင်္ဂလိပ်တို့ သဘောကျနှစ်ခြိုက်ခဲ့သည့် တောင်ပေါ်အပန်းဖြေမြို့လေးတစ်မြို့ဖြစ်ခဲ့၏။ ဂေါက်ကွင်းများ၊ မြင်းပြိုင်ကွင်းများ၊ အင်္ဂလိပ်တို့၏ ပုံဟန်အတိုင်း ဆောက်လုပ်ထားသည့် အိမ်များ၊ ရုံးများဖြင့် အင်္ဂလန်နိုင်ငံမှ ရွာလေးတစ်ရွာနှင့် တူအောင် ပုံသွင်းခဲ့သည်ဟု ဆိုပါသည်။ ဤမြို့ကလေး၌ နိုင်ငံခြားသား အတော်များများ လာရောက် အခြေချနေထိုင်ကြကြောင်း သိရ၏။ နုဝရေလိယမြို့သည် သဘာဝအလှဖြင့် နာမည်ကျော်ရုံမျှ မဟုတ်သေးပဲ စီးပွားဖြစ် လက်ဖက်စိုက်ခင်းများဖြင့် နာမည်ကျော်သော မြို့တစ်မြို့ဖြစ်နေပါသေးသည်။

လက်ဖက်ခင်း၊ဂေါက်ကွင်း၊အဆောက်အဦး၊သဘာဝအလှများဖြင့် လှချင်တိုင်းလှနေသော နုဝရေလိယ

ထို နုဝရေလိယမှ တဆင့် တောတောင်ချိုင့်ဝှမ်းများကို ဖြတ်ကျော်ကာ သွားသည့်ခရီးလမ်းတွင်တော့ စရီပါဒ ( စေတီပါဒ ) တောင်တန်းကြီးကို ပေါ်လိုက် ပြောက်လိုက်ဖြင့် တွေ့နေရပါမည်။ ၃ နာရီကျော်ကျော်လောက် သွားမိလျှင် စရီပါဒ ( စေတီပါဒ ) တောင်တန်းကြီးနားရောက်ခါနီးတွင် ရေအားလျှပ်စစ်ထုတ်လုပ်ရာ ဆည်ကြီးနှင့် ထင်ရှူးတောတန်းတို့ကာ မြူခိုးတွေ ဝေစွာဖြင့်တွေ့နိုင်ပါ၏။ ထိုသို့ရေအားလျှပ်စစ် ထုတ်လုပ်မှုမှ ထွက်ပေါ်လာသောရေသည် တစ်ကျွန်းလုံးအတွက် သောက်သုံးရေအဖြစ်လည်း ဆက်လက်ရပ်တည်နေမည်မှာ မလွဲပါပေ။ ပင်လယ်သမုဒ္ဒရာတို့ ပတ်လည်ဝိုင်းနေသော ကျွန်းနိုင်ငံတစ်ခုတွင် ရေချိုအတွက် တောင်ကျရေကို အားကိုးအားထားပြုနေသော နေရာတစ်ခုဖြစ်ကြောင်း သတိထားမိလိုက်ပါသေးသည်။ ထိုထင်းရှူးတော့တန်းကြီးကို လွန်သောအခါ သဘာဝအလှတို့ စုဝေနေသော စရိပါဒတောင်ကြီးကို ရှင်းရှင်းလင်းလင်းတွေ့လိုက်ရပါတော့သည်။

ထို နုဝရေလိယမှ တဆင့် တောတောင်ချိုင့်ဝှမ်းများကို ဖြတ်ကျော်ကာ သွားသည့်ခရီးလမ်းတွင်တော့ စရီပါဒ ( စေတီပါဒ ) တောင်တန်းကြီးကို ပေါ်လိုက် ပြောက်လိုက်ဖြင့် တွေ့နေရပါမည်။ ၃ နာရီကျော်ကျော်လောက် သွားမိလျှင် စရီပါဒ ( စေတီပါဒ ) တောင်တန်းကြီးနားရောက်ခါနီးတွင် ရေအားလျှပ်စစ်ထုတ်လုပ်ရာ ဆည်ကြီးနှင့် ထင်ရှူးတောတန်းတို့ကာ မြူခိုးတွေ ဝေစွာဖြင့်တွေ့နိုင်ပါ၏။ ထိုသို့ရေအားလျှပ်စစ် ထုတ်လုပ်မှုမှ ထွက်ပေါ်လာသောရေသည် တစ်ကျွန်းလုံးအတွက် သောက်သုံးရေအဖြစ်လည်း ဆက်လက်ရပ်တည်နေမည်မှာ မလွဲပါပေ။ ပင်လယ်သမုဒ္ဒရာတို့ ပတ်လည်ဝိုင်းနေသော ကျွန်းနိုင်ငံတစ်ခုတွင် ရေချိုအတွက် တောင်ကျရေကို အားကိုးအားထားပြုနေသော နေရာတစ်ခုဖြစ်ကြောင်း သတိထားမိလိုက်ပါသေးသည်။ ထိုထင်းရှူးတော့တန်းကြီးကို လွန်သောအခါ သဘာဝအလှတို့ စုဝေနေသော စရိပါဒတောင်ကြီးကို ရှင်းရှင်းလင်းလင်းတွေ့လိုက်ရပါတော့သည်။

လင်္ကာကျွန်းမှ မြင့်မိုရ်တောင်

စရီပါဒတောင်ဟာ ပင်လယ်ရေမျက်နှာပြင်အထက် ( ၇၃၆၀ ) ရှိပြီး သီရိလင်္ကာနိုင်ငံရဲ့ ဒုတိယအမြင့်ဆုံးတောင်တစ်တောင်ပါ။ ဤတောင်ကြီးရဲ ထူးခြားချက်ကတော့ ဘာသာကြီးလေးရပ်လုံး သူ့နည်းသူ့ဟန်နဲ့ တလေးတစား တန်ဖိုးထားကြတာကို တွေ့ရပါတယ်။ ဗုဒ္ဓဘာသာဝင်တို့က တောင်ထွဋ်ပေါ်မှာရှိတဲ့ ခြေတော်ရာကို မြတ်စွာဘုရားရှင်ရဲ့ ဝဲဘက်ခြေတော်ရာဟု ယုံကြည်ပြီး ဦးခိုက်ကြပါတယ်။ ဟိန္ဒူဘာသာဝင် တမီးလ်လူမျိုးတွေက ဤခြေရာကို ဟိန္ဒူနတ်ဘုရား “ ရှိဝ ” ရဲ့ခြေတော်ရာပါတဲ့။ ခရစ်ယာန်ဘာသာဝင်ပေါ်တူဂီတွေကတော့ ခရစ်ယာန်သူတော်စင် “ စိန့်သောမက်စ် ” ရဲ့ ခြေရာလို့ ဆိုပြန်ပါရော။ ခရစ်ယာန်ဘာသာဝင်တို့ရဲ့ အဆိုအရ ဤစရီပါဒတောင်ပေါ်ကနေဆိုရင် ကောင်းကင်ဘုံသို့ မိုင် ၄၀ သာဝေးကွာတော့သည်ဟု ထပ်ပြီးယုံကြည်ကြပြန်ပါတယ်။ တဖန် မွတ်စလင်ဘာသာဝင်တို့ကမူ ထိုတောင်ပေါ်တွင် ရှိသော ခြေရာသည် အေဒင်ဥယျာဉ်မှ နှင်ထုတ်ခံရပြီး ကမ္ဘာမြေပြင်ပေါ် ပထမဆုံးခြေချခဲ့သည့် “ အာဒမ် ” ၏ ခြေရာဖြစ်ကြောင်း ဆိုကြသည်။

ဝိုင်းဝန်းဝန်းပုံသဏ္ဍာန်ဖြင့် ဖူးတွေ့ရသော ခြေတော်ရာ

ဘုရားဖူးရာသီ
စရီပါဒ ဘုရားဖူးရာသီမှာ ဒီဇင်ဘာလလယ်ခန့်မှစ၍ မေလအလယ်ခန့်တွင် ဆုံးပါသည်။ ထိုဘုရားဖူးရာသီတွင် လင်္ကာကျွန်းမှ ပြည်သူပြည်သားများသာမက ကမ္ဘာလှည့်များလည်း လာရောက်ကြသည်ကို တွေ့နိုင်ပါသည်။ ထိုဘုရားဖူးရာသီသို့ ရောက်လာလျှင် ခန့်မှန်းခြေအားဖြင့် တစ်လကို နှစ်သိန်းငါးသောင်းခန့်ရှိပြီး တောင်ထိပ်ရှိ အဆောက်အဦးများတွင် အမြဲလူပြည့်လျှက်ရှိနေတတ်သည်။ မြန်မာပြည်ရှိ ကျိုက်ထီးရိုးဘုရားဖူးခရီးနှင့် အလားတူပင်ဖြစ်သည်ဟု ဆိုရမည်။ ဤဘုရားဖူးရာသီအတွင်း တောင်ပေါ်တက်ရာ လမ်းတစ်လျှောက် လျှပ်စစ်မီးများ ထွန်းပေးထားပါသည်။ အဝေးကကြည့်မိလျှင် အလွန်ပင်လှသော ရှုကွင်းရှုကွက် တစ်ခုဖြစ်နေသည်ကို တွေ့နိုင်ပါလိမ့်မည်။

ဘုရားဖူးရာသီ မဟုတ်သော ကျန်အချိန်အခါများတွင်လည်း စရီပါဒသို့ တက်ရောက်နိုင်ပါသည်။ သို့သော် လျှပ်စစ်မီးထွန်းပေးထားမည် မဟုတ်ပဲ လက်နှိပ်ဓာတ်မီးကိုင်ပြီး တက်ရမည်သာဖြစ်သည်။ ဘုရားဖူးရာသီမဟုတ်သော အချိန်များ၌ နေ့ခင်းပိုင်းမှ စပြီး မိုးသည်းထန်စွာ ရွာသွန်းလေ့ရှိသဖြင့် စရီပါဒတောင်ထိပ်မှာ တိမ်တိုက်တို့ဖြင့် မသဲမကွဲ မဲမှောင်နေလေ့ရှိသည်။ ထိုသို့သောအချိန်အခါသည် မိုးသည်းထန်စွာ ရွာတတ်သောကြောင့် ဘုရားဖူးခရီးထွက်ရန် မသင့်တော်တော့ပေ။