မျက်ကန်းမယုံကြည်ပါနဲ့

ဒီနေ့ခေတ်ကာလမှာ လူသားတို့ရဲ့ ကိုးကွယ်ရာအနေနဲ့ ဘာသာတရားပေါင်းစုံကို မိမိတို့

ဆိုင်ရာ ဆိုင်ရာ အယူအဆအသီးသီးနဲ့ ကိုးကွယ်ဆည်းကပ်လျှက်ရှိပါတယ်။ ယင်းဘာ

သာတရားတို့ဟာ ကောင်းမွန်မှုအသီးသီးနဲ့ ရပ်တည်နေကြတာပါ။ 

အဲ ဒါပေမဲ့ ဘာသာတရားတိုင်းထက်ထူးတဲ့ ဦးဇင်းတို့ ဗုဒဘာသာရဲ့ ထူးခြားချက်တစ်ခု

ကို ဒီနေ့တင်ပြချင်ပါတယ်။ အဲဒါကတော့ လွတ်လပ်စွာ ကိုးကွယ်ခွင့်ပါပဲ့။ ကမ္ဘာ့ပညာရှင်

ကြီး တော်တော်များ(အိုင်စတိုင်း၊ ဘာထရန်ရပ်ဆယ်တို့အပါအ၀င်)ကလည်း ဒီအချက်

ကြောင့်ပဲ့ ဦးဇင်းတို့ ဘာသာကို ကြိုက်သွားကြတာပါ။ တခြားဘာသာမှာကျတော့ မေး

မြန်းစုံစမ်းခွင့်မရှိဘဲနဲ့ သူတို့ကိုးကွယ်ရာရဲ့ စကားတော်များကို အကြွင်းမဲ့ယုံကြည်ပေးရ

တယ်လေ။ အဲ ဦးဇင်းတို့ဘာသာမှာကျတော့ ဘုရားရှင်ကိုယ်တော်တိုင်က သူမိန့်မြွက်

တော်မူခဲ့တဲ့ ဒေသနာတွေကို မှန်မမှန် စစ်ဆေးပြီးမှ ယုံကြည်လက်ဖို့ အားပေးတော်မူခဲ့

တယ်လေ။ ဒါကို ကြည့်ခြင်းအားဖြင့် ဗုဒရဲ့ ဒီမိုကရေစီနည်းကျ ကိုးကွယ်ပိုင်ခွင့်ပြဌာန်း

ချက်ကို ကြည်ညိုရပါတယ်။ ဘယ်လောက်အံ့သြစရာကောင်းလဲဗျာ။ ငါ့စကားနွားရ

မလုပ်တတ်တဲ့ ဦးဇင်းတို့ ဘုရားရဲ့ သဘောထားကြီးမြတ်မှုတွေကို။ ဧဟိပဿိကော=

(ငါဘုရားဟောထားတဲ့ ဒေသနာတွေကို)လာပါ၊ ရှုပါ၊စုံစမ်းလှည့်ပါဆိုပြီး ဖိတ်ခေါ်ထား

တယ်လေ။ ဒါကြောင့်လဲ ဦးဇင်းတို့ဘာသာဟာ ဘယ်လိုပဲ့ အချိန်ပြောင်းသွား၊ ပြောင်းသွား၊ ဘယ်လိုပညာရှင်ကပဲ့ လာစစ်ဆေး၊ လာစစ်ဆေး၊ အမြဲတမ်းအမှန်တရား

အဖြစ်ကနေ တပြားသားမျှ လျော့မသွားခဲ့ဘူးလေ။ ဒါကြောင့်ပြောတာပေါ့ Timeless Teachings ပါလို့။မြတ်စွာဘုရားရှင်ရဲ့ ဒေသနာတွေကို သေသေချာချာနားမလည် ဘဲနဲ့ တချို့က ဘာသာပြောင်းသွားတတ်ကြပါတယ်။ အကြောင်းအမျိုးမျိုးကြောင့် ဘာ

သာပြောင်းကြတယ်လို့ ပြောလို့ရပေမဲ့ တကယ်ကောက်ချက်ဆွဲရင်တော့ ကိုယ့်ဘာသာအကြောင်းကိုယ် သေသေချာချာနားမလည်လို့ ပြောလို့ရပါတယ်။ 

    

   အခုတင်ပြမဲ့ ဒေသနာမှာဆိုလို့ရှိရင် မြတ်စွာဘုရားဟာ လူသားတွေရဲ့ ဦးနှောက်ကို ဘယ်လောက်တန်ဖိုးထားသလဲဆိုတာ ထူးဆန်းအံ့သြဖွယ်ရာ တွေ့ရှိရပါလိမ့်မယ်။ အရာရာကို ကိုယ်ဦးပိုင်ဦးနှောက်နဲ့ စဉ်းစားဆုံးဖြတ်ဖို့ နည်းပေးလမ်းညွှန်ပြသခဲ့ပါတယ်

ဘယ်လောက်အထိလဲဆိုရင် သူကိုယ်တိုင်ဟောထားတဲ့တရားတွေကိုတောင် မှန်လား

မမှန်လားဆိုတာ မစုံစမ်း မစစ်ဆေးဘဲနဲ့ မျက်ကန်းမယုံကြည်ပါနဲ့တဲ့။ အမှားအမှန်ကို ကွဲပြားစွာ သိရှိမှ လက်ခံယုံကြည်ပါတဲ့။

  ကဲ အဲဒီဒေသနာတော်လေးကို ကြည်ညိုရအောင်။ မူရင်းသုတ်ကတော့ နိကာယ်ငါး

ရပ်ထဲက အင်္ဂုတ္တရနိကာယ်မှာ ပါပါတယ်။ ကာလာမသတိုးသားတွေကို ဟောကြားတဲ့

သုတ်ဖြစ်တဲ့အတွက်ကြောင့် ကာလာမသုတ်လို့ ထင်ရှားပါတယ်။ ဒါပေမဲ့ မူရင်းသုတ်

နာမည်က ကေသမုတ္တိသုတ်ပါ။ ကေသမုတ္တိနိဂုံးကို ရောက်လာတဲ့ ဘာသာရေးဆရာကြီးတွေဟာ သူတို့ဝါဒကို လက်ခံဖို့ အမျိုးမျိုး၊ အကြိမ်ကြိမ် လာပြောကြတဲ့အတွက် ဘယ်ဘာသာကို လက်ခံယုံကြည်ရမလဲဘုရားလို့ ကာလာမသတိုးသားတွေက မြတ်စွာဘုရားရှင်ကို လျှောက်တဲ့အခါ မြတ်စွာဘုရားက ကိုးကွယ်ရာဘာသာရွေးချယ်တတ်စေရန် အောက်မှာ ဖေါ်ပြမဲ့ အကြောင်းအရာများကို ဟောကြားခဲ့ခြင်း ဖြစ်ပါတယ်။ အဲဒီသုတ်တော်ပါ ဟောကြားချက်များကို အင်္ဂလိ

ပ်၊ မြန်မာနှစ်ဘာသာနဲ့ တင်ပြပေးပါ့မယ်။

=   Do not believe in any thing simply because you have heard it.

      ကြားဖူးရုံမျှဖြင့်လည်း မယုံကြည်ပါနဲ့။

     =   Do not believe in any thing simply because it's spoken and             rumored       by many.

      ပြောရုံမျှနဲ့ ၊ ကောလဟလမျှနဲ့ မယုံကြည်ပါနဲ့။

=   Do not believe in any thing simply because it's found written in your   religious books.

     မိမိတို့ဘာသာရေးနဲ့ဆိုင်တဲ့ စာအုပ်စာပေတွေထဲမှာ ရေးထားတာကိုမျှနဲ့ မယုံကြည်နဲ့။

=Do not believe in any thing merely on the authority of your teachers and elders.

ဆရာ့ပြောစကား၊ သက်ကြီးရွယ်အိုပြောစကားမျှနဲ့လည်း မယုံကြည်ပါနဲ့။

=Do not believe in traditions because they have been handed down for many generations.

မျိုးဆက် အဆက်ဆက်သယ်ဆောင်လာတဲ့ ရိုးရာယဉ်ကျေးမှုမျှနဲ့လည်း မယုံကြည်နဲ့။

= But after observation and analysis when you find that any thing agrees with reason and is conductive to the good and benefit of one and all, then accept it and live up to it.

  ဒါပေမဲ့ မိမိသူတပါးနှစ်ဦးသားတို့အတွက် အကျိုးရှိသလား၊ မရှိသလား၊ အကြောင်း(အကျိုး)နှင့်ကော ညီညွတ်ရဲ့လားလို့ သေသေချာချာနှိုင်းယှဉ်လေ့လာ

စုံစမ်းပြီးတဲ့နောက်မှ လက်ခံယုံကြည်ပြီး ဘ၀အတွက် အသုံးချပါ တဲ့။

  ကဲ ဒါကို ကြည့်ခြင်းအားဖြင့် ဦးဇင်းတို့ဗုဒဘာသာဟာ ဘယ်လောက်အထိ လွတ်လပ်ပွင့်လင်းမှုရှိသလဲဆိုတာ သဘောကျပါ။ ဒါနဲ့ဆိုင်စွာပဲ့ မြတ်စွာဘုရားရှင်ရဲ့

နောက်သဘောထားရေးရာတစ်ခုကို တင်ပြပါအုံးမယ်။ သီဟစစ်သူကြီးဟာ သူ့ရဲ့ မူရင်းကိုးကွယ်ရာ ဘာသာတရားကို စွန့်ပြီး ဗုဒဘာသာကို ကိုးကွယ်တော့မဲ့အကြောင်း

မြတ်စွာဘုရားကို လျှောက်ထားတော့ မြတ်စွာဘုရားက အေးကွာ ကိုးကွယ်စေ လို့ တန်းမိန့်လိုက်တယ်ထင်လား။ မဟုတ်ရပါဘူး။ အေးကွာတဲ့။ မင်းလို ထင်ရှားကျော်ကြားတဲ့ ပုဂ္ဂိုလ်တစ်ယောက်အနေနဲ့ သေသေချာချာစဉ်းစားဆုံးဖြတ်ပြီးမှ လုပ်ရင် ပိုကောင်းတယ်တဲ့။ အဲဒီလို မိန့်တော်မူတာဗျ။ ဘယ်လောက်အထိ အံ့သြဖို့ကောင်းသလဲ။ မိမိတို့လို သာမာန်ပုထုဇဉ်စိတ်နဲ့ နှိုင်းယှဉ်ပြီး တွေးကြည့်ပါ။ ကိုယ့်ဘက်ကို ခိုဝင်လာမဲ့ နာမည်ကြီးတစ်ယောက်ကို ဘာလို့ အားရ၀မ်းသာချက်ခြင်းလက်ခံမကြိုဆိုဘဲ ဘာလို့ အင်တိအင်တင်လုပ်နေရတာလဲ။ ဒါပဲ့ ကွာသွားပြီ။ မြတ်စွာဘုရားရဲ့ လူသားတွေရဲ့ ဦးနှောက်အပေါ် လေးစားမှုကတော့

အံ့သြမကုန်နိုင်ဖွယ် မဟုတ်ပါလားဗျာ။ ဒီတော့ ကိုယ် ကိုးကွယ်နေတဲ့ ဘာသာအကြောင်းကို ပယ်ပယ်နယ်နယ်လေ့လာပြီး အမြတ်တနိုးတန်ဖိုးထားကြပါလို့ပဲ့ တိုက်တွန်းချင်ပါတယ်။

 တဆက်တည်းမှာပဲ့ အီတလီဆရာတော်ကြီး ဦးလောကနာထရဲ့စကားကို အမှတ်ရလိုက်ပါသေးတယ်။ ဆရာတော်ကြီးက မြန်မာဗုဒဘာသာတွေကို ကြည့်ပြီးတော့ ဘယ်လို ဥပမာပေးလဲဆိုတော့ မိရိုးဖလာဗုဒဘာသာတွေက အိမ်ရှေ့မင်းသားကနေ တန်းပြီး ဘုရင်ဖြစ်သွားတဲ့သူနဲ့တူတယ်တဲ့။ သူတို့လို ဘာသာခြားကနေ ဗုဒဘာသာဖြစ်လာသူတွေက သူတောင်စားဘ၀ကနေ ရှင်ဘုရင် ဖြစ်လာသူနဲ့ တူတယ်တဲ့။ ဟုတ်ပါတယ်။ သူတောင်စားဘ၀ကနေ ရှင်ဘုရင်ဖြစ်လာသူဟာ ဘုရင်တစ်ပါးဖြစ်ဖို့ ဘယ်လောက်ခက်ခဲကြမ်းတမ်းတယ်ဆို

တာကို အပြည့်အ၀နားလည်သဘောပေါက်ပြီး တန်ဖိုးထားတတ်တယ်လေ။ အိမ်ရှေ့မင်းသားဘုရင်ဖြစ်လာတာတော့ လုပ်ရိုးလုပ်စဉ်အတိုင်း၊ ဖြစ်ရိုးဖြစ်စဉ်အတိုင်းဆိုတော့ သိပ်ပြီး တန်ဖိုးမသိလှဘူးလေ။ ဒါပါပဲ့ တန်ဖိုးဆိုတာ အခြေအနေအပေါ်လဲ မူတည်ပါသေးတယ်။