ရတနာဝါသဘုရားကျောင်းမှ ကူးယူပူဇော်သည်။
ဗုဒ္ဓဝင် အကျဉ်းချုပ် 佛教歷史和釋迦牟尼佛
ဗုဒ္ဓသည် ထိုခေတ်က မင်းမျိုးဖြစ်သော ခတ္တိယမျိုးနွယ်မှဆင်းသက်လာခဲ့သည်။ ထိုခေတ်ကရှေးဟောင်း အိန္ဒိယလူမူ့ ဖွဲ့စည်းပုံတွင်
ပုဏ္ဏားမျိုး(ဗြဟ္မဏ)၊မင်းမျိုး သို့မဟုတ် စစ်သားမျိုး
(ခတ္တိယ)၊ကုန်သည်မျိုး(၀ဿ) နှင့်ဆင်းရဲသားမျိုး
(သုဒ္ဓ)ဟူ၍ အမျိုးလေးပါးခွဲကာ ဇာတ်အနိမ့်အမြင့်ခွဲခြားမူ့ရှိခဲ့သည်။
ဗြာဟ္မဏတို့သည် ဝေဒကျမ်းလာဖန်ဆင်းရှင်ဖြစ်သော ဗြဟ္မာကို(ဂေါ့ဒ်)
ယုံကြည်ကြပြီး ဂေါ့ဒ်၏ဦးခေါင်းမှဆင်းသက် လာသော
မိမိတို့အမျိုးသည်သာအမြတ်ဆုံးဟုခံယူပြီး ဇာတ်ခွဲခြားမူ့ကိုလိုလားသည်။
ဗုဒ္ဓ၀ါဒမှာ ဂေါ့ဒ်ကိုပယ်၍ ဇာတ်အနိမ့်အမြင့်ခွဲခြားမူ့ကို ဆန့်ကျင်ပါသည်။
ထို့ကြောင့်ဗုဒ္ဓကို လေ့လာမည်ဆိုပါက လူသားစင်စင်စစ် ဘုရားဖြစ်သည်ဟု
ယုံကြည်ထားရန်မှာ အရေးကြီးဆုံးဖြစ်သည်။ အခြား ဗုဒ္ဓဘာသာဂိုဏ်းခွဲများတွင်
ဗုဒ္ဓအား ကောင်းကင်ဘုံမှ ဘုရားအဖြစ်မှတ်ယူလေ့ရှိကြသည်။ ဗုဒ္ဓ
ဆိုသောဝေါဟာရမှာ ဥာဏ်အလင်းရသူ (Enlightened)၊ သို့မဟုတ် စိတ်အာရုံ
နိုးကြားနေသူ (Mentally awakened) ဟု အဓိပ္ပါယ်ရသည်။
အမှန်တရားလေးပါး (သစ္စာလေးပါး) ကို ကိုယ်တော်တိုင် ကိုယ်ပိုင်ဥာဏ်ဖြင့် ထိုးထွင်း၍သိမြင်သော အမြတ်ဆုံး ပုဂ္ဂိုလ် ဟု ချမ်းမြေ့ဆရာတော်က အဓိပ္ပါယ်ဖွင့်သည်။
ဗုဒ္ဓဝင်တွင် မင်းပျိုမင်းလွင်ဘဝ၊ တောထွက်တော်မူခြင်း၊ သစ္စာတရားကို ရှာခြင်း၊ သာသနာပြုခရီးရှည်၊ ပရိနိဗ္ဗာန် စံတော်မူခြင်း ဟူ၍
ငါးပိုင်းရှိသည်။
၁။ မင်းပျိုမင်းလွင်ဘဝ
ဖွားတော်မူခန်း
ပြီးငြိမ်းစေတတ်သော) အဓိပ္ပါယ်ရသည်။ သိဒ္ဓတ္ထမင်းသားသည် ထိုခေတ်က မျိုးရိုးအားဖြင့် အဆင့်မြင့်အသိုင်း
အ၀ိုင်းမှ ဆင်းသက်လာသူဖြစ်သည်။ ထိုအချိန်သည် ခရစ်တော်မပေါ်မှီ နှစ်ပေါင်းငါးရာကျော်ခန့်က ဖြစ်ပါသည်။
ဖခင်မှာ သာကိယမျိုးနွယ်စု၏အကြီးအကဲဖြစ်ကာ ထိုနေရာဒေသအား ကျမ်းစာများတွင် ကပိလ၀တ် ဟုခေါ်သည်။
ထိုနေရာသည် ယခုခေတ် အိန္ဒိယနှင့် နီပေါနိုင်ငံနယ်စပ်တွင်တည်ရှိသည်။ ကပိလ၀တ်ကို အုပ်ချုပ်ရသောကြောင့်
ဘုရင်ဟု ခေါ်နိုင်သော်လည်း ဧကရာဇ်မင်း ဖြစ်နိုင်လောက်သော နယ်ပယ်အကျယ်အ၀န်းမရှိခဲ့ပေ။ ကပိလ၀တ်
နှင့် အနီးအပါး၌ပင် အခြားသောမျိုးနွယ်စုအမြောက်အမြားနေထိုင်ကြသည်။
သိဒ္ဓတ္ထမင်းသား၏ မယ်တော် မဟာမာယာ သည်လည်း ကောလိယမျိုးနွယ်စု အကြီးအကဲတစ်ဦး၏ သမီးဖြစ်ပါသည်။
မယ်တော်မဟာမာယာသည် သိဒ္ဓတ္ထမင်းသားအား လုမ္ဗိနီဥယျာဉ်တော်အတွင်းရှိ အင်ကြင်းပင်တစ်ပင်အောက်တွင်
မွေးဖွားတော်မူခဲ့သည်။ ဖွားတော်မူပြီးနောက် အရှေ့အရပ်မှ မြောက်သို့ လှည့်တော်မူလျက် ခုနစ်ဖဝါးသွား၍ မတ်မတ်ရပ်တော်မူပြီးသော်-
- “အဂ္ဂေါဟမသ္မိလောကဿ
- ဇေဋ္ဌောဟမသ္မိလောကဿ
- သေဋ္ဌောဟမသ္မိလောကဿ” ဟူသော သုံးခွန်းစကား ဆိုတော်မူသည်။
ခုနစ်ရက်အကြာတွင် မယ်တော်မာယာ နတ်ရွာစံခဲ့သောကြောင့် သိဒ္ဓတ္ထမင်းသားသည်
မိထွေးတော်ဂေါတမီ ၏ ထိန်းကျောင်းမူ့ဖြင့် ကြီးပြင်းလာခဲ့သည်။
သိဒ္ဓတ္ထမင်းသား၏ ဖခင်သုဒ္ဓေါဓန မင်းသည်
ထိုခေတ်ကအမြင့်ဆုံးနိုင်ငံရေးအာဏာဖြစ်နိုင်သော စကြာမင်းအရာကို ရစေလိုသည်။
သို့သော်ကြိုတင်နိမိတ်များအရ သိဒ္ဓတ္ထမင်းသားသည် လောကီဘုံကိုစွန့်ခွာ၍
ဘုရားဖြစ်မည်ဟု ပြောကြားသဖြင့် လောကီကာမဂုဏ် အာရုံများဖြင့်
မင်းသားကိုဖြားယောင်းထားစေခဲ့သည်။ အသက်တစ်ဆယ့်ခြောက်နှစ်အရွယ်တွင်
ညီမ၀မ်းကွဲတော်သူ ယသော်ဓရာနှင့် လက်ဆက်ခဲ့သည်။ ယောက္ခမလောင်း ဖြစ်သူ
သုပ္ပဗုဒ္ဓက သဘောမတူသောကြောင့် လေးအတတ်အစွမ်းပြ၍ ကြင်ရာတော်ကို
ကိုယ်တိုင်ရွေးယူနိုင်ခဲ့သည်။
၂။ တောထွက်တော်မူခြင်း
နိမိတ်ကြီးလေးပါးကိုမြင်တော်မူခန်း
အနော်မာသောင်ကမ်းတွင် ဆံတော်ဖြတ်ခန်း
လောကီအာရုံများဖြင့် ဖျားယောင်းထားခြင်း၊ အနိဌာရုံများကို မမြင်အောင်ဖန်တီးထားခြင်း၊ သားမယား သံယောဇဉ်
များကို တိုးလာစေခြင်းအားဖြင့် ခမည်းတော်မှစီမံထားသော်လည်း သိဒ္ဓတ္ထမင်းသားသည်လက်ရှိဘ၀ ထက်ပိုမိုမြင့်မြတ်
သော ဘ၀အမှန်မွန်ကို ရှာဖွေလိုစိတ်ပြင်းထန်လာသည်။
ထို့ကြောင့်တစ်နေ့တွင် ခါးသီးသောအမှန်တရားကို သိဒ္ဓတ္ထမင်းသား မြင်တွေ့ခဲ့လေသည်။ ထိုသို့တွေ့ရှိခဲ့ရာ လူ့ဘ၀၏
အစစ်အမှန်တရားကို သင်္ကေတလေးပါးဖြင့် ဖေါ်ပြကြသည်။ ဗုဒ္ဓကျမ်းစာများတွင် နိမိတ်ကြီးလေးပါးဟု ညွှန်းဆိုကြပါသည်။
ဤသည်တို့မှာ
- သူအို၊
- သူနာ
- သူသေနှင့်
- ရဟန်းတို့ဖြစ်ကြသည်။
တစ်ခုသောညတွင် သားငယ်နှင့် ဇနီးသည်ကို နောက်ဆုံးကြည့်ကာ အမှန်တရားကိုရှာဖွေရန်တောထွက်တော်မူခဲ့လေသည်။
သိဒ္ဓတ္ထမင်းသားသည် ထိုစဉ်က အသက် ၂၉ နှစ်ရှိပြီဖြစ်သောကြောင့် စဉ်းစားဝေဖန်ပိုင်းခြားတတ်သောအရွယ်ရောက်
နေလေပြီဖြစ်သည်။ ထို့ပြင်ကောင်းမွန်သေချာသော အနာဂတ်တစ်ခုရှိသော်လည်း စွန့်လွှတ်ပြီး တောထွက်ခဲ့သည်မှာ
တော်ရုံတန်ရုံ စိတ်ပိုင်းဖြတ်မူ့မျိုးမဟုတ်ဟု သေချာပြောဆိုနိုင်သည်။
၃။ သစ္စာတရားကို ရှာခြင်း
ဒုက္ကယစရိယာကျင့်တော်မူခန်း
ပထမဆုံးစမ်းသပ်ခဲ့သောအချက်မှာ ယောဂ(သမထ)ကျင့်စဉ်ဖြစ်သည်။
တင်္ဒဂအားဖြင့်စိတ်တည်ငြိမ်မူ့ရရှိသော်လည်း
ထာဝရစိတ်၏ ငြိမ်းချမ်းသောလွတ်မြောက်ရာလမ်းကိုသာရှာဖွေလိုသည်။ ထို့ကြောင့်
ထို သမထ သက်သက်ကျင့်စဉ်ကို
လည်းစွန့်လွှတ်ခဲ့သည်။
သို့သော်ယောဂအကျင့်မှာ နောင်ဗုဒ္ဓသာသာနာတွင်အရေးကြီးလာမည့်
ကမ္မဌာန်းလုပ်ငန်းအတွက် အခြေခံကောင်းများကို
ပေးနိုင်ခဲ့သည်ဟုဆိုရမည် ဖြစ်သည်။
ယောဂအကျင့်မှ ကမ္မဌာန်းမှာ (Meditation for sake of meditation) သာဖြစ်၍
သိဒ္ဓတ္ထမင်းသားအလိုရှိသော
ကမ္မဌာန်းမှာ ဘ၀ဖြစ်တည်မူ့ကို အနက်ရှိူင်းဆုံးနေရာထိ မျက်မှောက်ပြုနိုင်သော
(Insight Meditation)မျိုးဖြစ်လေသည်။
ဝိပဿနာ ကမ္မဌာန်းမျိုးကိုဆိုလိုသည်။
ဒုတိယစမ်းသပ်ချက်မှာ တပအကျင့်(asceticism)ဖြစ်သည်။ ကောဏ္ဍည အမှူးပြုသော
တပသီငါးဦးနေထိုင်ရာ
ဥရုဝေလတောအုပ်ထဲရှိ တောကျောင်းကလေးတွင်သွားရောက်နေထိုင်ခဲ့သည်။
ထိုနေရာတွင်အလွန်အကျွံခြိုးခြံ
ချွေတာခြင်း၊ မိမိကိုယ်ကိုပင်ပန်းဆင်းရဲစေခြင်းစသည့်
ပြင်းထန်သည့်အကျင့်များကို ကျင့်ခဲ့သော်လည်း ခန္ဓာကိုယ်သာ
အိုမင်းရင့်ရော် ခန်းခြောက်လာခဲ့ကာ
သစ္စာတရားကိုရှာဖွေနိုင်ခဲ့ခြင်းမရှိခဲ့ပေ။
တပသီငါးဦးသည်လည်း သိဒ္ဓတ္ထမင်းသားကို
စိတ်ပျက်ကာစွန့်ခွာသွားကြလေသည်။ထိုကဲ့သို့ ယောဂ၊တပနှင့် အခြားအတတ်များတွင်
ကျင့်ကြံရင်း သစ္စာတရားကိုရှာဖွေရာ ခြောက်နှစ်တာမျှအချိန်ကုန်
လာခဲ့သည်။ ထိုအခါဗုဒ္ဓသည် သစ္စာတရားကိုရှာဖွေသောလမ်းမှာ
အချိုဆုံးလမ်းလည်းမဟုတ်သလို အခါးဆုံးလမ်းလည်း
မဖြစ်နိုင်ဟုဆင်ခြင်မိကာ ထိုအစွန်းနှစ်ပါးကြားမှတတိယ
လမ်းသာဖြစ်ရမည်ဟုတွေးမိလေသည်။
ဤအခိုက်အတန့်မှာပင် ငယ်စဉ်ဘ၀ကအဖြစ်အပျက်တစ်ခုကို
အလောင်းတော်သည်ဆင်ခြင်မိလေသည်။ ခမည်းတော်
လယ်ထွန်မင်္ဂလာပွဲကျင်းပနေချိန် တွင် မင်းသားငယ်အား သပြေပင်ရိပ်တွင်
သိပ်ထားခဲ့လေသည်။ ကလေးငယ်အရွယ်
မျှသာဖြစ်သော သိဒ္ဓတ္ထမင်းသားသည် ဘေးပတ်ဝန်းကျင်မှအသံများကိုလည်းကောင်း
သပြေပင်ရိပ်မှအေးမြမူ့ကိုလည်းကောင်း
သတိမပြုမိဘဲ၊ မိမိခန္ဓာကိုယ်အတွင်းတွင်သာ သိစိတ်ကိုစုစည်းထားမိသည်။
ထိုအချိန်ကရရှိခဲ့သော ချမ်းသာပီတီမျိုးကို
သိဒ္ဓတ္ထမင်းသားသည် ဘ၀တွင်နောက်ထပ်ကြုံတွေ့ခဲ့ရခြင်းမရှိတော့ပေ။
ထိုချမ်းသာပီတိအား ဗုဒ္ဓကျမ်းစာများတွင် ပထမဈာန်ဟု သတ်မှတ်ပါသည်။
ဤအတွေ့အကြုံကိုဆင်ခြင်မိသော
သိဒ္ဓတ္ထမင်းသားသည်၊ သစ္စာတရားကိုရှာဖွေသောလမ်းစမှာ
မိမိကိုယ်အတွင်းတွင်သာရှိမည်ဟု သဘောရလာလေသည်။
ထို့နောက်ယောဂဆရာကြီးများထံမှရလာသော
ကမ္မဌာန်းအကျင့်နှင့်အာရုံတို့ကိုစုစည်းကြည့်လေရာ ရုပ်ခန္ဓာသာမက
သိစိတ်အလျင်၏ မမြဲသောသဘောတရားတို့ကိုပါဆင်ခြင်မိလေသည်။
ထိုမှတဆင့်မမြဲခြင်း၏ မနှစ်မြို့ဖွယ်ရာအဖြစ်များကိုလည်းကောင်း၊
မိမိအလိုသို့မလိုက်သည့်သဘော၊မိမိဆန္ဒနှင့်
မည်သို့မျှမသက်ဆိုင်သည့်သဘော၊ အစိုးမရသည့်သဘောများကို
ပီပီပြင်ပြင်မြင်တွေ့လာလေသည်။
ကျမ်းစာများအရ အနိစ္စ၊ဒုက္ခ၊ အနတ္တ လက္ခဏာရေးသုံးပါးကိုဆိုလိုပါသည်။
ခန္ဓာကိုယ်မှရသော ထိုလမ်းစကိုဆွဲဆန့်ကြည့်လိုက်ရာ လူ့ဖြစ်တည်မူ့တစ်ခုလုံး၏
အခြင်းအရာများမှာတဖြည်းဖြည်း
ပီပြင်လာသည်။ ဘ၀၏တွန်းအားများ၊ ထိုလမ်းမှလွတ်မြောက်ရာလမ်း၊
ထာဝရငြိမ်းအေးမူ့ ထိုသည်တို့ပင်ဗုဒ္ဓ
ရှာဖွေနေသော သစ္စာတရားပင်ဖြစ်လေသည်။ ဒုက္ခသစ္စာ၊သမုဒယသစ္စာ၊
မဂ္ဂသစ္စာ၊နိရောဓသစ္စာဟူသော သစ္စာလေးပါး
တရားပင်ဖြစ်ပါတော့သည်။
ဗုဒ္ဓဥာဏ်အလင်းရခဲ့ရာ နေရာဉ္ဇာရာအနီးမှ ညောင်ပင်ကြီးအား ဗုဒ္ဓဘာသာဝင်များက
ဗောဓိပင်ဟုခေါ်ကြသည်။
သဘောမှာ ဥာဏ်အလင်းသစ်ပင်(Tree of enlightenment) သို့မဟုတ်ဥာဏ်ပညာသစ်ပင်
(Tree of wisdom)
ဟုအဓိပ္ပာယ်ရပါသည်။
ဤသည်ပင်လျင် နယူတန်၏ ကမ္ဘာ့ဆွဲအား၊ ပတ်စချာ၏ ပိုးမွှားဗေဒ၊ အိုင်းစတိုင်း၏
နှိုင်းရသဘောတရားစသော
ခေတ်သစ်တွေ့ရှိချက်များအားလုံးထက် နှစ်ပေါင်းများစွာစောပြီး၊
အဆပေါင်းများစွာ ကျယ်ပြန့်နက်ရှိုင်းလှသော
မဟာရှာဖွေတွေ့ရှိမူ့ကြီး ဖြစ်ပါသည်။
၎။ သာသနာပြုခရီးရှည်
ဗုဒ္ဓဘုရားရှင် တာဝတိံသာနတ်ပြည်မှ ပြန်လည်ကြွချီတော်မူပုံ
တရားဦးဖြစ်ပေသည်။
ထိုအချိန်မှစကာ ဗုဒ္ဓဘုရားရှင်သည် ၄၅ နှစ်တာကာလပတ်လုံး သာသနာပြုခရီးရှည်ကြီးထွက်ကာ သတ္တ၀ါအပေါင်းအား သံသရာဝဋ်ဆင်းရဲမှ ကယ်တင်တော်မူခဲ့ပါသည်။သမိုင်းဆိုင်ရာအထောက်အထားများနှင့် ဗုဒ္ဓကျမ်းစာများပါအချက်အလက် များအရ ဗုဒ္ဓ၏သာသနာပြုခရီးရှည်ကြီးကို အောက်ပါအတိုင်းမှတ်တမ်းတင်နိုင်သည်။
- ဘီစီ ၅၂၈ - က္ကှုသိပတန(ယခု-ဆာရနာတ်)
- ဘီစီ ၅၂၇ -ရာဇဂြိုဟ်
- ဘီစီ ၅၂၆ -ရာဇဂြိုဟ်
- ဘီစီ ၅၂၅ -ရာဇဂြိုဟ်
- ဘီစီ ၅၂၄ -ဝေသာလီ
- ဘီစီ ၅၂၃ -မကုဋတောင်(ယခု-ဗိဟာရ်)
- ဘီစီ ၅၂၂ -တာဝတိံသာနတ်ပြည်(ကျမ်းစာအရ)
- ဘီစီ ၅၂၁ -သုသုမာရတောင်(ယခု-ကျုနာရ်)
- ဘီစီ ၅၂၀ -ကောသမ္ဗီ(ယခု-က္ကုလဟာဗာ်)
- ဘီစီ ၅၁၉ -ပါလိလေယျက(ယခု-မိရ်-ဂျာပူ)
- ဘီစီ ၅၁၈ -နာဠာ(ယခု-ဗိဟာရ်)
- ဘီစီ ၅၁၇ -ဝေရဉ္ဇာ(ယခု-မထုရာ)
- ဘီစီ ၅၁၆ -စာလိယတောင်(ယခု-ဗိဟာရ်)
- ဘီစီ ၅၁၅ -သာဝတ္ထိ(ယခု-ဂေါဏ္ဍာ)
- ဘီစီ ၅၁၄ -ကပိလ၀တ္ထု
- ဘီစီ ၅၁၃ -အာလ၀ီ(ယခု-အာရ်ဝလိ)
- ဘီစီ ၅၁၂ -ရာဇဂြိုဟ်
- ဘီစီ ၅၁၁ -စာလိယတောင်
- ဘီစီ ၅၁၀ -စာလိယတောင်
- ဘီစီ ၅၀၉ -ရာဇဂြိုဟ်
- ဘီစီ ၅၀၈မှ ၄၈၄ -သာဝတ္ထိ
- ဘီစီ ၄၈၃ -ဝေသာလီ
၅။ ပရိနိဗ္ဗာန်စံတော်မူခြင်း
ပရိနိဗ္ဗာန်စံတော်မူခန်း
ရှိလှသည်ဟု နှောင်းခေတ်ပညာရှင်များက ဆိုကြသည်။ ထိုအမှာစကားမှာ
"၀ယဓမ္မာ သင်္ခါရာ အပ္ပမာဒေန သမ္ပာဒေထ"
ဟူသော ပါဠိဂါထာတို လေးဖြစ်သည်။ မြန်မာဘာသာဖြင့်ဤကဲ့သို့အဓိပ္ပါယ်ယူနိုင်ပါသည်။
"ဘ၀သည် မမြဲ၊မမေ့မလျော့သော ကိုယ်စိတ်နှစ်လုံးရှိကြစေ။"
အကိုးအကား
Buddhism Made plain၊ ဘာသာပြန်သူ ဆရာကျော်ဝင်း၊မဟာဗုဒ္ဓ၀င်။ တိပိဋကဓရ မင်းကွန်းဆရာတော်ဘုရားကြီး။
0 comments:
Post a Comment