သတိ ဒီလိုတွေ ရှိသေးသည်။

"

　

ဘာသာရေးဆိုတာ လူတွေကို ပဋိပက္ခဖြစ်အောင် ဖန်တီးတဲ့အရာ၊ လူတွေပဋိပက္ခဖြစ်အောင် သွတ်သွင်းနေတဲ့ အရာပါ " တဲ့။ နိုင်ငံရေးသမားအမည်ခံပြီး နိုင်ငံကြီးတစ်ခုမှာ ဒုက္ခသည်အမည်ခံထားတဲ့ အသက်ငါးဆယ်ကျော် ကွန်မြူနစ် သမားတစ်ယောက်ရဲ့ ဘာသာရေးအပေါ်အမြင်လို့ ဆိုပါတယ်။

တစ်နေ့ ဂျီတော့ခ်မှာ ပြည်ပနိုင်ငံတစ်ခုမှ သူငယ်ချင်းတစ်ယောက်က သူ့ရဲ့ ဘလော့စပေါ့ လင့်ခ်လေးပေး ရင်း ပြောလာတယ်။ အဲဒါလေး ဖတ်ကြည့်ပါတဲ့။ အဆိုပါလူကြီးနဲ့ သူ ချက်တင်မှာ အပြန်အလှန်ပြောဆိုထား တာကို အခြေခံ ပြီးဆောင်းပါးရေးထားတဲ့ ဘလော့စပေါ့တစ်ခုပေါ့။ အဆိုပါလူကြီးဟာ ငယ်စဉ်ကတည်းက ဗုဒ္ဓဘာသာအမည်ခံ လာသူတစ်ယောက်လို့ သိရပါတယ်။ ဒါပေမယ့် ဘာသာရေးအပေါ်အမြင်နဲ့ ကာမေသု မိစ္ဆာစာရနဲ့ ပတ်သက်ပြီး သူ့ရဲ့ခံယူချက်တွေကတော့ တကယ့်ကို ကြောက်ခမန်းလိလိပါပဲ။ ကွန်မြူနစ်ဆိုတာကို ကျနော် ထဲထဲဝင်ဝင် မလေ့လာဖူးသေးပါဘူး။ အဲဒီလူကြီးဟာ ကွန်မြူနစ်သမားပီပီ သူ့ခံယူချက်တွေက တကယ့်ကို (ကျနော်တို့ အမြင်နဲ့) တခြားစီပါပဲ။ သူငယ်ချင်းက အဲဒီလူကြီးရဲ့ ထင်မြင်ယူဆချက်တွေ ကို ပြန်လည်ချေပလို့ ဆောင်းပါးတစ်ပုဒ်ရေးတင်ထားတာပါ။ သူငယ်ချင်းက ကျနော့်ကို ဆက်မေးပါတယ်။ ဘာသာရေးဆိုတာ လူ တွေကို ပဋိပက္ခဖြစ်အောင် ဖန်တီးနေတဲ့အရာလား… ဆိုတာကို ရှင်းချက်ပေးဦးကွာ။ ကိုယ်ရေးနေတာ သိပ် လက်မ၀င်ဘူးဖြစ်နေတယ်ကွ။

အရမ်းကို တာဝန်ကြီးလွန်းပါတယ်။ ကျနော်အနေနဲ့ ရေးဖို့လက်တွန့်နေမိတာလည်း အမှန်ပါပဲ။ ဒါပေမယ့် ဘာသာရေးဗဟုသုတနည်းပါးသူတွေကို(အထူးသဖြင့် လူငယ်တွေကို)အဆိုပါလူကြီးက ပြောဟောနေမယ်ဆိုရင် အရမ်းကို ရင်လေးစရာဖြစ်နေမလားလို့ တွေးမိပြီး အတတ်နိုင်ဆုံးရေးဖို့ ဆုံးဖြတ်လိုက်တယ်ပေါ့။

ဘာသာရေးဆိုတာ လူတွေကို ပဋိပက္ခဖြစ်အောင် ဖန်တီးနေတဲ့အရာလား ….?

သူပြောတာက ဘာသာရေးလို့ သာမန်ပြောထားတဲ့အတွက်ဘာသာအားလုံးနဲ့ သက်ဆိုင်နေပါတယ်။ ဘာသာ တရားအားလုံးဟာ လူသားတွေငြိမ်းချမ်းရေးအတွက် လမ်းပြပေးနေတယ်ဆိုတာကို ကျနော့်အနေနဲ့ အကြမ်း ဖျင်းအားဖြင့် သိထားပါတယ်။ ဒါပေမယ့် တစ်ချို့သောဘာသာရေးတွေမှာတော့ ခရုဇစ်ဆိုတဲ့ ဘာသာရေး စစ်ပွဲတွေ ရှိခဲ့ဖူးတာမို့ အဆိုပါလူကြီးရဲ့ အယူအဆဟာ တစ်စိတ်တစ်ဒေသတော့ မှန်နေပါလိမ့်မယ်။ ဒါဟာ လည်း တချို့သောဘာသာဝင်တွေရဲ့ ဘာသာရေးခေါင်းဆောင်ဆိုသူတွေက ဘာသာတရားကို ဗန်းပြပြီး (ခုတုံးလုပ်ပြီး) အတ္တအစွဲ၊ မာနအစွဲတွေနဲ့ လိုရာဆွဲသွင်း ထင်ရာလုပ်ကြလို့ပါပဲ။ ဒါကြောင့် ဘာသာတရား အနေနဲ့ လူတွေကို ပဋိပက္ခဖြစ်စေတာမဟုတ်ဘဲ လူတွေကသာ ဘာသာတရားရဲ့အနှစ်သာရကို အလွဲသုံးစား လုပ်ပြီး ငါစွဲတွေနဲ့ ဖန်တီးလို့ ပဋိပက္ခတွေဖြစ်ပေါ်ခဲ့ရတယ်လို့ ပြောချင်ပါတယ်။ ဟုတ်ပါပြီ။ ကျနော့်အနေနဲ့ တခြားဘာသာ အကြောင်းကို အသေးစိတ်မလေ့လာဖူးလို့ သိပ်အများကြီးမပြောတော့ပါဘူး။

ဗုဒ္ဓဘာသာနဲ့ပတ်သက်ပြီးတော့ နည်းနည်းတော့ ပြောကြည့်မယ်လေ။ အဆိုပါလူကြီးဟာ ဘာသာရေးစာအုပ်တွေ ကိုလည်း ဖတ်ဖူးခဲ့တယ်၊ လေ့လာခဲ့ဖူးတယ်လို့ ဆိုပြန်တယ်။ (ယုံရတော့ ခပ်ခက်ခက်ပါပဲ။ ဘယ်လိုဘာသာရေး စာအုပ်တွေဖတ်ထားလဲတော့မပြောတတ်ပါဘူး။) မေးခွင့်ရှိရင်တော့တစ်ခုလောက် မေးလိုက်ချင်မိရဲ့။ ခင်ဗျား ဖတ်ဖူးခဲ့တဲ့ စာအုပ်တွေထဲမှာ ဘုရားရှင်သက်တော်ထင်ရှားရှိစဉ်က ရှင်တော်ဘုရားဟာ သူများအသက်ကို သတ်ခဲ့ဖူးတယ်လို့ပါရဲ့လား၊ သတ်ဖို့ရော အားပေးအားမြှောက်ပြုခဲ့ဖူးပါသလား။ ဘုရားရှင်ရဲ့ အရိယာနွယ် ၀င်သားတပည့်တွေကရော ဘာသာရေးအတွက်ဆိုပြီး စစ်ပွဲတွေ ဆင်နွှဲတာ၊ သတ်ဖြတ်ညှင်းဆဲတာတွေ ရှိခဲ့ပါ သလား။ ဘုရားရှင်ပရိနိဗ္ဗာန်စံပြီးနောက် သာသနာဟာ နှစ်ပေါင်း၂၅၀၀ ကျော်အတွင်းမှာရော ဘာသာရေး စစ်ပွဲ တွေရှိခဲ့ပါသလား။ ဘုရားဟော ကျမ်းဂန်တွေထဲမှာရော အဲလိုမျိုးတွေ ပါခဲ့လား။ ဒီလောက်လေးပဲ မေးကြည့် ချင်ပါတယ်။ တကယ့်ဘုရားဟောစစ်စစ်တွေမှာတော့ မပါတာသေချာတယ်။ မဆိုစလောက် ၀ိရောဓိဖြစ်ခဲ့ကြ တာတွေတော့ ရှိမယ်ပေါ့။ ဒါဟာ ဘာသာတရားကြောင့် ပဋိပက္ခဖြစ်စေတာမဟုတ်ပါဘူး။

လူသားတွေရဲ့ ကြီးပွားရေးချမ်းသာရေးအတွက် (လောကီလောကုတ္တရာအကျိုးအတွက်) " လာပါ.. ကျင့်သုံး ကြည့်ကြပါ၊ စမ်းသပ်ကြည့်ကြပါ " ဆိုပြီး ရဲရဲဝံ့ဝံ့ကြွေးကြော်လို့ အတိအလင်းဖိတ်ခေါ်ထားပါတယ်။ တရားဂုဏ် တော် ၆ ပါးထဲက တစ်ပါးပေါ့။ ဒီအချက်ကို ကြည့်သောအားဖြင့် ပေါ်လွင်သွားပါပြီ။ နောက်ငါးပါး သီလကို အသေးစိတ် လေ့လာကြည့်လိုက်ပါ။ ဒီနေ့ကမ္ဘာပေါ်မှာ ဖြစ်ပေါ်နေတဲ့ ပဋိပက္ခတွေဟာ ဘာကြောင့်လဲ။ ငါးပါးသီလလောက်ကိုတောင်မှ ချုပ်ခြယ်တားမြစ်လွန်းတယ်လို့ ထင်မြင်ယူဆသူတွေအဖို့တော့ ဒီအယူ အတွေပေါ်လာတာ မထူးဆန်းတော့ပါဘူး။ ကိုယ်မကျင့်သုံးနိုင်ရင် မကျင့်သုံးချင်ရင် နေလို့ရပါတယ်။ ဗုဒ္ဓဘုရားရှင် ဟာ သူ့ကို ကိုးကွယ်ဖို့ အတင်းမတိုက်တွန်းခဲ့ပါဘူး။ မြှောက်လည်း မမြှောက်ခဲ့ သလို ခြောက်လည်းမခြောက် လှန့်ခဲ့ပါဘူး။ သို့သော် ယုံကြည်အားထားလို့ လိုက်နာကျင့်သုံးမယ်ဆိုရင်တော့ လူနတ်ဗြဟ္မာ ဘယ်လိုသတ္တ၀ါ မျိုးပဲဖြစ်စေ၊ ဘယ်နိုင်ငံသား၊ ဘယ်လူမျိုးပဲဖြစ်စေ အကျိုးရှိစေမှာ အမှန်ပါပဲ။

လူသားတွေရဲ့ဘ၀အဆင့်တန်းမြင့်မားစေဖို့ ဗုဒ္ဓဘုရားရှင်က သီလ သမာဓိ ပညာ ဆိုပြီး ချမှတ်ပေးခဲ့တယ်။ သီလဆိုတာ ကိုယ်နဲ့ နှုတ်ကို ထိန်းသိမ်းတာ၊ သမာဓိကတော့ စိတ်ကို ထိန်းတာပေါ့။ တစ်နည်း အားဖြင့် မျောက်လိုဖြစ်နေတဲ့စိတ်ကို Control လုပ်ပေးတာဟာ သမာဓိပါပဲ။ ပညာကတော့ဘ ၀တွေတောက်ပြောင်စေဖို့ ထဲထဲဝင်ဝင်လေ့လာဆည်းပူးတာပါပဲ။ ဘယ်ဘာသာရပ်မဆို၊ ဘာကိုမဆို အသေးစိတ်လေ့လာတာကို ပညာလို့ ဆိုပါတယ်။ လောကီပညာ လောကုတ္တရာပညာဆိုပြီး ခွဲခြားလို့ ရပါသေးတယ်။ အဲဒီထဲကမှ ကိုယ့်ကျင့် (သီလ)ကောင်းတဲ့လူက Good person တဲ့။ စိတ်ဓာတ် တည်ကြည်ခိုင်မာတဲ့သူကျတော့ Right person ပေါ့။ စိတ်ဓာတ်က တည်ငြိမ်အေးဆေးလို့ အဆင့်မြင့်ပညာတွေ တက်လှမ်းနိုင်ပြီး ဘ၀ကို မှန်မှန်ကန်ကန်သုံးသပ်နိုင်သူကိုတော့ Noble person လို့ ဆိုပါတယ်။ လူတွေမှာ အဲဒီသုံးခု မရှိတော့ဘူးဆိုရင် တိရစ္ဆာန်လောကနဲ့ မထူးခြားတော့ပါဘူး။ အဲဒါဟာ ဘာသာတရားက ချုပ်ခြယ်နေတာမဟုတ်ပါဘူး။ လူသားတစ်ယောက်အဖြစ် ပီပီပြင်ပြင် ရပ်တည်နိုင်ဖို့ လမ်းစဉ်တွေပါပဲ။ ဗုဒ္ဓဘာသာမှာ အဲဒီသုံးချက်က အဓိကပါပဲ။

ကျနော်နိုင်ငံရေးဆိုတာကို ၀ါသနာမပါပါဘူး။ ဗိုလ်ချုပ်ကတော့ ပြောခဲ့ဖူးပါတယ်။ နိုင်ငံသားတိုင်းမှာ ကိုယ့်နိုင်ငံအကြောင်း သိအောင်လုပ်ရမယ်၊ သိထားရမယ်တဲ့။ နိုင်ငံသားတစ်ယောက်အနေနဲ့ ကိုယ့်နိုင်ငံ ဘာတွေဖြစ်နေလဲဆိုတာတော့ သိအောင်တော့ လုပ်ရမယ်ပေါ့။ အခုပြောပြောနေတဲ့ ဒီမိုဆိုတဲ့အထဲမှာ အဲဒီလို ကွန်မြူနစ်တွေ ရောနေတယ်ဆိုတာ ကြားသိရတယ်။ သူ့ဟာသူ သီးခြားရပ်တည်ပြီး ပြည့်စုံနေတဲ့ ဒီမို..... ထဲကို ဘာသော ညာသောဆိုတာတွေ ထည့်ဖြည့်နေစရာမလိုသလို၊ ကိုယ် ဗရမ်းဗတာ နေချင်တိုင်း ဒီမို.... ကို ခုတုံးလုပ် ပြောနေတာကိုလည်း လက်မခံပါဘူး။ ဒါဟာ နိုင်ငံနဲ့လူမျိုးကို ချစ်မြတ်နိုးတယ်လို့ မသတ်မှတ်နိုင်ပါဘူး။ တကယ်ချစ်မြတ်နိုးတယ် တကယ်ပဲ အကျိုးကို လိုလားတယ်ဆိုရင် တကယ့် အမှန်တရားကို ချမှတ်လုပ်ဆောင်ပေးဖို့ လိုပါမယ်။ တစ်ခုတော့ ရှိတယ်။ ပြည်သူလူထုဟာ သူငယ်နှပ်စားလေးတွေ မဟုတ်ဘူး ဆိုတာပါပဲ။ အဲဒါလေး သဘောပေါက်ရင်..... အားလုံးဟာ အိုကေသွားပါလိမ့်မယ်။

ကဲဗျာ..... တော်သင့်ပြီ ထင်ပါတယ်။

ဝန်ခံချက်။ ။ အဲဒီလူကြီးပြောပြတဲ့ ကာမေသုမိစ္ဆာစာရအကြောင်းက မြန်မာ့ယဉ်ကျေးမှုနဲ့ ဖီလာကန့်လန့်ဖြစ်နေလို့ မတင်ပြတော့ဘူးဗျာ။ တစ်စုံတစ်ရာ ချွတ်ယွင်းချက် အားနည်းချက် ပါခဲ့ရင် ကျနော့်တာဝန်သာဖြစ်ပါတယ်။                                                                                                         

                                                                                                   ရှင်းသန့်