ပဋိစ္စသမုပ္ပါဒ် အင်္ဂါရပ်တစ်ပါးစီ၏ အဓိပ္ပာယ်

အ၀ိဇ္ဇာ= အ၀ိဇ္ဇာဟူသည် သစ္စာတရားလေးပါးကို မမြင်အောင်ကာကွယ်ဖုံးအုပ် တတ်သော တွေဝေမိုက်မဲသည့် မောဟကိုခေါ်သည်။ အ၀ိဇ္ဖာသည် မိမိသန္တာန်မှာရှိ၏။ ခန္ဓာ၊ အာယတန၊ ဓာတ်၊ ပဋိစ္စသမုပ္ပါဒ်တရားတွေကို

မသိအောင်ဖုံးအုပ်ထားခြင်းသည် အ၀ိဇ္ဖာဖြစ်၏။ အဟုတ်အမှန်ကိုမသိတတ်ခြင်း၊ ဖြစ်ပြီး ဖြစ်ဆဲ ဖြစ်လတ္တံ့ 
ရုပ်ကို ရုပ်ဟူ၍မသိ၊ အဖန်ဖန်ရုပ်နာမ်တို့ ဖြစ်ပုံပျက်ပုံအနိစ္စသဘောကို မသိ၊ ရုပ်နာမ်တို့၏ ထိတ်လန့်
ကြောက်မက်ဖွယ်ဆင်းရဲခြင်းသဘောကိုမသိ၊ ဤကဲ့သို့ မသိမိုက်မဲတွေဝေမှု မောဟတရားကိုခေါ်သည်။ယင်း
မောဟ အ၀ိဇ္ဇာသည် အကုသိုလ်တို့၏ အရင်းအမြစ်မူလဖြစ်၏။ အကုသိုလ်တို့ဖြစ်ပေါ်ရခြင်း၏အခြေခံအရင်း
အမြစ်ဖြစ်၏။ အ၀ိဇ္ဇာကိုခွာနိုင်မှ ၀ိဇ္ဇာ(အမှန်သိခြင်း) ဥာဏ်ရမှ နိဗ္ဗာန်ရနိုင်၏။

အ၀ိဇ္ဇာသည် အပ္ပါယ်ကျတရားဖြစ်၏။ မျက်ခုံးလှုပ်လျှင် အပူဇော်ခံရအံ့၊ ပေါင်လှုပ်လျှင် မိန်းမရအံ့၊ချစ်သူ
နှင့်ပေါင်းရအံ့၊ ပခုံးလှုပ်လျှင် ကောင်းချီးပေးအံ့၊ သလုံးမြင်းခေါင်းလှုပ်လျှင်ချစ်သူနှင့်တွေ့ရအံ့၊အပေါ်နှုတ်ခမ်း
လှုပ်လျှင် အဝေးစကားကြားရအံ့စသည်ဖြင့် အသားလှုပ်တာတွေကို ငါလှုပ်တယ်၊ ငါထင်ပြီးနေတာ အတ္တဒိဋ္ဌိ
ဝင်ပြီး အ၀ိဇ္ဇာဖြစ်၏။ ငါနာတယ်၊ ငါကျင်တယ်၊ ငါကိုက်တယ်၊ ငါတောင့်တယ်၊ ငါတင်းတယ်အကုန်လုံးစွဲနေ
ရင် အတ္တဒိဌိဖြစ်၏။ အ၀ိဇ္ဇာဖြစ်၏။

တောင့်ခြင်း၊ တင်းခြင်း၊ နာခြင်း၊ ကိုက်ခြင်း၊ ခဲခြင်းတွေသည် ပထ၀ီဓာတ်ပဲ၊ငါမဟုတ်ဘူး၊မမြဲဘူး၊အနိစ္စ
ဒုက္ခ၊ အနတ္တပဲဟုသိလျှင် သက္ကာယဒိဌိ (မရှိတာကို အရှိထင်နေခြင်း၊ မဟုတ်တာကို အဟုတ်ထင်နေခြင်း)
ကိုစွန့်၏။ အသိဇ္ဇာ(အမှန်မသိခြင်း)ကိုပယ်၍ ၀ိဇ္ဇာ(အမှန်သိခြင်း)ကို ဖြစ်လာ၏။ပူတာ၊ အးတာတေဇော ပဲ၊ အနိစ္စ ဒုက္ခ အနတ္တပဲ၊ လှုပ်တာ၊ ရွတာ ၀ါယောပဲ၊ အနိစ္စ ဒုက္ခ အနတ္တပဲ၊ယိုတာ၊ စီးတာ အာပေါပဲ၊ အနိစ္စ ဒုက္ခ အနတ္တပဲဟု မြင်သိလျှင် သက္ကာယဒိဌိပြုတ်ရင် သောတာပန်အစစ်ဖြစ်၏။

မျက်စိအကြိုက်၊ နားအကြိုက်၊ နှာခေါင်းအကြိုက်၊ လျှာအကြိုက်၊ ကိုယ်အကြိုက်၊ မနောအကြိုက် ခံစား
ခြင်းဖြစ်သည့် အယူလွဲမှားခြင်း မိစ္ဆာဒိဌိပြုတ်ပြီး မြတ်စွာဘုရား၏ တရားတော်မှလွဲ၍ ကိုးကွယ်ဆည်းကပ်
စရာမရှိဟု ယုံကြည်ခြင်းရှိလျှင် ၀ိစိကိစ္ဆာပြုတ်၏။ ထိုအခါ သောတာပတ္တိမဂ်သို့ဆိုက်ရောက်၏။ လောကုတ္တ
ရာမဂ်အောက်ဆုံးမဂ်သို့ရောက်၏။ အပါယ်တံခါးလုံးလုံးပိတ်၏။ ကတိမြဲ၏။ နိဗ္ဗာန်ရမှာသေချာ၏။ မိစ္ဆာဒိဌိ
နှင့် ၀ိစိကိစ္ဆာပြုတ်လျှင် သောတာပတ္တိမဂ်သို့ ဆိုက်ရောက်၏။

သင်္ခါရ= ထိုထိုဘုံဘ၀၌ အဗျာကတ(ခန္ဓာ၅ပါး၊ ရုပ်နာမ် ၂ပါး)ဘ၀သစ်ကို ဖြစ်ပေါ်စေတတ်သောကုသိုလ်
ကံ၊ အကုသိုလ်ကံမျိုးစေ့ကိုဆိုပါသည်။ ထိုထိုဘုံဘ၀တို့၌ ခန္ဓာသစ်ဖြစ်ပေါ်စေရန် ပြုပြင်စေ့ဆော်တတ်
သည်ကို သင်္ခါရခေါ်၏။ ကာယသင်္ခါရ၊ ၀စီသင်္ခါရ၊ စိတ္တသင်္ခါရဟူ၍ သုံးမျိုးရှိ၏။ ယခုဘ၀သေဆုံးပျက်စီး
သည်ရှိသော် ကုသိုလ်၊ အကုသိုလ်သင်္ခါရမျိုးစေ့ကြောင့် ထိုထိုဘုံဘ၀၌ အဗျာကတ၀ိပါတ်ခေါ် ၀ိညာ ဏက္ခန္ဓာ(နာမ်ခန္ဓာ)အသစ်ဆက်ဖြစ်ရ၏။ ထိုဝိညာဏက္ခန္ဓာ၊ သင်္ခါရက္ခန္ဓာ(နာမ်ခန္ဓာ)နှင့် ရူပက္ခန္ဓာ(ရုပ်
ခန္ဓာ)ဟူ၍ ရုပ်နာမ်နှစ်ပါး တစ်ပြိုင်နက်ဖြစ်လာရ၏။ ဘ၀သစ်၌ ၀ိညာဉ်နာမ်၊ ရုပ်၊ သဠာယတနသုံးပါး
ပေါင်းဆုံး၍ ရူပက္ခန္ဓာ(ရုပ်ခန္ဓာ)၊ ဝေဒနက္ခန္ဓာ(နာမ်ခန္ဓာ)၊ သညာက္ခန္ဓာ(နာမ်ခန္ဓာ)၊ သင်္ခါရက္ခန္ဓာ(နာမ်
ခန္ဓာ)၊ ၀ိညာဏက္ခန္ဓာ(နမ်ခန္ဓာ)ဟူ၍ ခန္ဓာငါးပါးပြည့်စုံသော ခန္ဓာဖြစ်လာရ၏။ ထိုအခါငကြွယ်၊ငချမ်းသာ၊
ငဌေးစသည်အားဖြင့် အမည်ပညတ်ခေါ်ဝေါ်ကြ၏။ ထိုအခါ မျက်စိ၊ နား၊ နှာခေါင်း၊ လျှာ၊ ကိုယ်၊ မနော
အာယတန ၆ပါး၊ သဠာယတနအာရုံ ၆ပါးတိုက်ဆိုင်လျှင် ဖဿအတွေ့သည် ဖြစ်ပေါ်လာသည်။ ဖဿ
သည် ကြိတ်နှယ်ရ၏။ ထိုအခါ ဖဿဖြစ်လာ၏။ အရသာကိုခံစား၊ ခံစားသောအခါ ဝေဒနာဖြစ်လာ၏။
သင်္ခါရသည် အ၀ိဇ္ဇာကြောင့်ဖြစ်၏။

ဝိညာဉ်= အ၀ိဇ္ဇာကြောင့်ဖြစ်သည့် သင်္ခါရသည် ၃မျိုးဖြစ်၏။
(က) ပုညာဘိသင်္ခါရ။ နေ့စဉ်ပြုလုပ်နေကျသည့် ဒါနကုသိုလ်၊ သီလကုသိုလ်၊ ဘာဝနာကုသိုလ်
(သို့)ဒါနသင်္ခါရ၊ သီလသင်္ခါရ၊ ဘာဝနာသင်္ခါရလို့လည်းခေါ်၏။
( ခ) အပုညာဘိသင်္ခါရ။ နေ့စဉ်ပြုလုပ်နေကြသည့် လောဘအကုသိုလ်စေတနာ၊ ဒေါသအကု
သိုလ်စေတနာ၊ မောဟအကုသိုလ်စေတနာ။
( ဂ) အာနေဉ္ဇာဘိသင်္ခါရ။ ဗြဟ္မာပြည်ရောက်အောင်ကျင့်ရသောတရား။
ရှေးရှေးဘ၀ကပြုခဲ့သော ပုညာဘိသင်္ခါရကြောင့် ယခုဘ၀ ကာမသုဂတိဘုံနှင့် ရူပဘုံတို့တွင် ပဋိသန္ဓေ
ဝိညာဉ်ဖြစ်ရ၏။ အပုညာဘိသင်္ခါရကြောင့် အပါယ်ဘုံ၌ ပဋိသန္ဓေ၀ိညာဉ်ဖြစ်ရ၏။ အာနေဉ္ဇာဘိသင်္ခါရ
ကြောင့် အရူပဘုံ၌ သန္ဓေ၀ိညာဉ်ဖြစ်ရ၏။ ထိုရှေးဘ၀က သင်္ခါရတို့ကြောင့် ယခုဘ၀၀ယ် ပ၀တ္တိအခါ၌
လည်း စက္ခုဝိညာဉ်၊ သောတ၀ိညာဉ်၊ ဃာန၀ိညာဉ်၊ ဇိဝှါဝိညာဉ်၊ ကာယ၀ိညာဉ်၊ မနောဝိညာဉ်စသည့်
ဝိပါက်ဝိညာဉ်များဖြစ်ကြ၏။ ၀ိညာဉ်ကြောင့် နာမ်ရုပ်ဖြစ်၏။

နာမ်ရုပ်= ပဋိသန္ဓေ၀ိညာဉ်ဖြစ်ပေါ်လာသည့်အခါ ၀ိညာဉ်နှင့်ယှဉ်ဘက်ဖြစ်သော နာမ်ခန္ဓာ ၃ပါးနှင့်ကမ္မရုပ်
ကလာပ်များ တစ်ပြိုင်နက်ဖြစ်ပေါ်လာသဖြင့် ၀ိညာဉ်ကြောင့် နာမ်ရုပ်ဖြစ်ရသည်ကိုဆို၏။

သဠာယတန= သ+အာယတန= သ-ခြောက်ခု၊ အာယတန=တည်ရာဌာန
လူခန္ဓာကိုယ်တွင် မျက်စိ၊ နား၊ နှာခေါင်းစသော တံခါးမကြီး ၆ပေါက်ပွင့်နေသောအခါ ရူပါရုံ။ သဒ္ဒါရုံ
စသော သူခိုး၊ ဓါးပြများဝင်ခွင့်ရသည်။

ဖဿ=အတွေ့အထိကို ဖဿဟုခေါ်၏။ အာရုံ ၆ပါးဖြစ်လျှင် ဖဿ ၆မျိုးရှိသည်။ အာရုံအကောင်းစား
တွေ့ထိခြင်း၊ အလတ်စားတွေ့ထိခြင်း၊ အညံ့စားတွေ့ထိခြင်းဟူ၍ ၃မျိုးပြား၏။ ဖဿသည် ကြိတ်နယ်၏။
ခံစားသာယာမှုအထင်ပေါ်လာ၏။ ထိုအခါ ဝေဒနာဖြစ်လာ၏။

ဝေဒနာ= ခံစားခြင်းကို ဝေဒနာဟုခေါ်၏။ အတွေ့အထိဖဿကြောင့် ခံစားခြင်း ဝေဒနာဖြစ်ပေါ်လာရ
သည်ဟုဆိုရာ၌ အတောင်သုံးဆယ်လောက်မြင့်သော ကွမ်းသီးပင်ထိပ်ဖျားတွင် လူတစ်ယောက်တ်နးလန်း
ကြီးဖြစ်ပြီး ပြုတ်ကျတော့မည့်အနေအထားကို အောက်ကမြင်ရသူကကြောက်ရွံ့ပြီး ခြေဖ၀ါးတွေယားလာ၏။
မျက်စိဖြင့်မြင်ရပြီး အတွေ့အထိ(စက္ခုသမ္ဖဿဇာ)ကြောင့် ခြေဖ၀ါးယားလာသည်အထိ ကြောက်ရွံ့မှုခံစား
ရခြင်း ဝေဒနာဖြစ်ပေါ်လာပုံကို သတိပြုပါ။

တဏှာ= တပ်မက်ခြင်း၊ နှစ်သက်ခြင်း၊ သာယာခြင်းကို တဏှာဟုခေါ်၏။ အဆင်း၌သာယာခြင်း ရူပတဏှာ
အသံ၌သာယာခြင်း သဒ္ဒတဏှာ၊ အနံ့၌သာယာခြင်း ဂန္ဓတဏှာ၊ အရသာ၌သာယာခြင်း ရသတဏှာ၊ အတွေ့အထိ၌သာယာခြင်း ဖောဌဗ္ဗတဏှာ၊ တွေ့ကြုံခဲ့ပြီးဖြစ်သော စက္ခု၊ သောတ စသော ဓမ္မရုံစသည်
ိုတို့၌ ပြန်လည်အောက်မေ့သာယာသော ဓမ္မတဏှာဟု၆မျိုးရှိ၏။ လက်တွေ့ရူပါရုံ၊ သဒ္ဒါရုံ၊ ဂန္ဓာရုံ၊ ရသာရုံ
ဖောဌဗ္ဗာရုံဟူသော အာရုံ ၅ပါးမှတစ်ပါး ကြွင်းသမျှအလုံးစုံသည် ဓမ္မာရုံဖြစ်၏။
ခံစားမှုဝေဒနာကြောင့် သာယာမှုတဏှာဖြစ်သည်ဟုဆိုရာ၌ အာရုံအကောင်းစားနှင့် အလတ်စားကိုခံစား
ရလျှင်ဖြင့် တပြုံးပြုံးနှင့်သာယာစုံမက်လှသော တဏှာကိုဖြစ်စေ၏။ အာရုံအညံ့စားကိုခံစားရသောအခါ ဒီ
တဏှာသေတော့မှာဘဲလို့ထင်ရ၏။ သို့သော် အညံ့စားတွေ့လေလေ အကောင်းစားစိတ်ကူးလေလေဖြစ်
သောကြောင့် တဏှာမသေပါ။ စိတ်ကူးယဉ်သော တဏှာ၊ လှမ်းပြိးတောင့်တသောတဏှာဖြစ်၏။ ဘုရား
လေးဆူအကြာငး အစာမစားရသော ပြိတ္တာများသည် ဘယ်တော့မှစားကြရမည်လဲဟု လှမ်းပြီးတောင့်တကြ
၏။ မသေကြပေ။ တဏှာသည် အာရုံအကောင်းစားနှင့် အလတ်စားကိုတွေ့သောအခါ သာယာ၏။ အာရုံ
အညံ့စားကိုတွေ့သောအခါ အကောင်းစားကိုလှမ်း၍ တောင့်တ၏။

ဥပါဒါန်= အနည်းငယ်တပ်မက်မှုသည် တဏှာဖြစ်၍ လွန်လွန်ကဲကဲစွဲလမ်းတပ်မက်မှုသည် ဥပါဒါန်ဖြစ်၏။
ကာမှုပါဒါန်၊ ဒိဌုပါဒါန်၊ သီလဗ္ဗတုပါဒါန်၊ အတ္တ၀ါဒုပါဒါန်အားဖြင့် လေးပါးပြား၏။

ဘ၀= ကမ္မဘ၀၊ ဥပပတ္တိဘ၀ဟု ၂မျိုးရှိ၏။ လောကီကုသိုလ်၊ အကုသိုလ်ကံဟူသော စေတနာ ၂၉ပါးသည်
ကမ္မဘ၀ဖြစ်၏။ အကြောင်းကံကြောင့်ဖြစ်ရသော လောကီဝိပါတ် ၃၂ပါးနှင့် ကမ္မဇရုပ်များသည် ဥပပတ္တိ
ဘ၀ဖြစ်၏။ ဒုစရိုက် ၁၀ပါးသည် အကုသိုလ်ကမ္မဘ၀ဖြစ်၏။ ကုသလကမ္မပထတရား ၁၀ပါးသည် ကုသိုလ်
ကုသိုလ်ကမ္မဘ၀ဖြစ်၏။

ဇာတိ= ထိုထိုဘုံဘ၀၌ ဖြစ်ရခြင်း၊ ပဋိသန္ဓေတည်နေရခြင်းကို ဇာတိဟုခေါ်၏။ အမိဝမ်းခေါင်း၌ အညစ်အ
ကြေးအလူးလူးဖြင့် ကိန်းအောင်းပဋိသန္ဓေနေရသော ဇာတိဒုက္ခကို ဘုရားရဟန္တာများသာ အတိအကျ
သိမြင်ကြ၏။

ဇရာမရဏ= သတ္တ၀ါတိုင်းသည် ထိုထိုဘုံဘ၀၌ ပဋိသန္ဓေဇာတိရ၍ တိရိစ္ဆာန်၊ လူ၊ နတ်၊ ဗြဟ္မာဟူသော
ခန္ဓာကိုယ်ကိုရရှိပါက အိုမင်းဆွေးမြေ့ရင့်ရော်ခြင်း ဇရာ၊ သေရခြင်း မရဏတို့ကို တွေ့ရမည်သာဖြစ်၏။
မသေမီစိုးရိမ်ပူဆွေးခြင်း(သောက)၊ ငိုကြွေးခြင်း(ပရိဒေ၀)၊ ခန္ဓာကိုယ်ဆင်းရဲရခြင်း(ဒုက္ခ)၊ စိတ်ဆင်းရဲ
ရခြင်း(ဒေါမနဿ)၊ ပြင်းထန်စွာပူဆွေးရခြင်း(ဥပါယာသ)တို့ကိုလည်း တွေ့ကြုံရမည်သာဖြစ်ပေသည်။


မှတ်ချက်။ ဗုဒ္ဓဘာသာဝင်သူတော်စင်အပေါင်း မြတ်စွာဘုရားရှင်၏ တရားတော်များကို နာလည်းနာနိုင်ကြ
ပါစေ၊ နာယူတဲ့အတိုင်းလည်း ကျင့်ကြံနိုင်ကြပါစေရန် မေတ္တာစေတနာဖြင့် ရေးသားတင်ပြအပ်ပါသည်။
အမှားစာသားများပါရှိပါက မေတ္တာရှေ့ထား၍ ပြင်ဆင်ဖတ်ရှုပေးကြပါရန် မေတ္တာရပ်ခံအပ်ပါသည်။
http://buddhismworld.ning.com/profiles/blog/show?id=6371237%3ABlogPost%3A69028&xgs=1&xg_source=msg_share_post

by Myomyat Thu on Friday, July 22, 2011 at 9:07pm